ಈ ಕನಸು

ಸಾಹಿತ್ಯ
ಹೆಕ್ಕಿಕೋ ಹೂವೊ೦ದ ಸಿಕ್ಕಿಸಿಕೋ ನಿನ್ನೆದೆಯೊಳಗೆ
ಮೆಲ್ಲನೆ ನಡೆವಾಗ ನಿನ್ನ ಹಾದಿ ಪರಿಮಳಿಸಲಿ
ಯಾವ ಕ್ಷಣದಲಿ ಉಸಿರ ಜೋಳಿಗೆ ಖಾಲಿಯಾಗುವುದೋ
ಅಲ್ಲಿ ತನಕ ಪರಿಮಳದ ಸುಳಿಗಾಳಿ ಸುತ್ತ ಸುತ್ತುತ್ತಿರಲಿ
ಯಾವ ಪಥದಲಿ ಹಸಿರ ರಾಶಿ ಕರಗಿ ಬರಡಾಗುವುದೋ
ಬಾಡುವ ಮುನ್ನ ಆ ಹೂ ನಿನ್ನ ಕೈಯೊಳಗಿರಲಿ
ಜನ ಜ೦ಗುಳಿಯೊಳಗೆ ಯಾರ ಆಸರೆ ಎ೦ದು ಕೈ ತಪ್ಪುವುದೋ
ಈ ಹೂ ಮಾತ್ರ ನಿನ್ನುಡಿಯಲ್ಲಿ ಅರಳುತ್ತಿರಲಿ
ಮನದೊಳಗಿನ ಬೇಸರ ತೆರೆತೆರೆಯಾಗಿ ಹೊರಳುವಾಗ
ಪರಿಮಳದ ಪನ್ನೀರ ತು೦ತುರು ಹನಿಯುತ್ತಿರಲಿ
ಮರಳ ಗೋಪುರದೊಳಗೆ ಅಷ್ಟೊತ್ತು ಕುಳಿತಿದ್ದಾಗಲೂ
ಇದೇ ನನ್ನ ಮನೆಯೆ೦ಬ ಭ್ರಮೆಯೊಳಗಿದ್ದಾಗಲೂ
ಹೆಕ್ಕಿಕೋ ಹೂವೊ೦ದ ಸಿಕ್ಕಿಸಿಕೋ ನಿನ್ನೆದೆಯೊಳಗೆ
ಮೆಲ್ಲನೇ ನಡೆವಾಗ ನಿನ್ನ ಹಾದಿ ಪರಿಮಳಿಸಲಿ...

ಅನು.ಪಾವಂಜೆ