ಈ ಕನಸು

ಇದು ವರ್ಷದ ಕನಸು

ನಮ್ಮ ಸಹೋದರ ಸಂಸ್ಥೆ ವಾರ್ತೆ.ಕಾಂ ನಲ್ಲಿ ಇತ್ತೀಚಿನ ಸುದ್ದಿ/ವಿಶೇಷ ವರದಿಗಳನ್ನು ವೀಕ್ಷಿಸಬಹುದು...
8:18 PM

ಜೀವನದ ಒಳನೋಟ...

Posted by ekanasu

ವೈವಿಧ್ಯ
ಮೊದಲ ಬಾರಿ ಮು೦ಬಯಿಗೆ ಕಾಲಿಟ್ಟಾಗ ಇಲ್ಲಿನ ಲೊಕಲ್ ಟ್ರೈನುಗಳು ಬಹಳ ಹೆದರಿಕೆ ಹುಟ್ಟಿಸಿದ್ದವು. ಕೇವಲ ಇವುಗಳ ಬಗ್ಗೆ ಏನೇನೊ ಕೇಳಿದ್ದಿದ್ದಿತ್ತು. ಟ್ರೈನು ಹತ್ತಿ ಇಳಿವ ಜನ ಸಾಗರ, ಸ್ಟೆಷನ್ನುಗಳಲ್ಲಿ ನಿ೦ತ ಎರಡು ಕ್ಷಣಗಳೊಳಗೆ ಹತ್ತಿ ಇಳಿವ ಪರದಾಟ, ಚಾಣಾಕ್ಷತೆ ಇವೆಲ್ಲಾ ಒ೦ದು ದ೦ತಕಥೆಯ೦ತೆ ಆವರಿಸಿತ್ತು. ಬರೇ ಹೆದರಿಕೆ ಹುಟ್ಟಿಸಿ ಗಲಿಬಿಲಿಗೊಳಿಸಿತ್ತು. ಸರಿ,ಇದೆಲ್ಲವನ್ನು ಪ್ರತ್ಯಕ್ಷ ನೋಡೇ ಬಿಡುವ ಎ೦ದು ಧೈರ್ಯ ಮಾಡಿಕೊ೦ಡೆ. ಪ್ಲಾಟ್ ಫಾರ್೦ ಮೇಲೆ ಟ್ರೈನಿಗೆ ಕಾಯುತ್ತ ನಿ೦ತೆ. ಸಮಯಕ್ಕೆ ಸರಿಯಾಗಿ ಟ್ರೈನು ಬ೦ತು..ಬರಬರನೆ ಜನರು ಇಳಿದರು...ಜೊತೆಗೆ ಬರಬರನೆ ಹತ್ತಬೇಕಾದವರೂ ಹತ್ತಿದರು. ನಾ ಏನು ಎತ್ತ ಎ೦ದು ಯೋಚಿಸುವುದರೊಳಗೆ ಟ್ರೈನಿನೊಳಗೆ ಸೇರಿಕೊ೦ಡಿದ್ದೆ. ಆ ಕ್ಷಣದಿ೦ದ ಪ್ರಾರ೦ಭವಾಯ್ತು ಟ್ರೈನಿನೊಳಗಣ ಜಗತ್ತಿನ ಅನುಬ೦ಧ. ಅಷ್ಟು ಕುತೂಹಲಕರವಾದ ಜಗತ್ತನ್ನೇ ಅದುವರೆಗೆ ಕ೦ಡಿರಲಿಲ್ಲ. ಪ್ರತಿಯೊ೦ದು ಕ್ಷಣವೂ ಹೊಸ ಜಗತ್ತನ್ನು ತೋರಿಸಿತು. ಹೊಸ ಭಾವನೆಗಳನ್ನು ಪ್ರತಿಫಲಿಸಿತು. ಹೃದಯಕ್ಕೆ ಹೊಸ ರಾಗವ ಕೇಳಿಸಿತು..ಎ೦ದೂ ಬೇಸರ ಕೊಡದ ಸದಾ ಚಟುವಟಿಕೆಯ ಸಾಗರ ತಾನು ಎ೦ದು ನುಡಿಯಿತು.



ಇಲ್ಲಿನ ಲೋಕಲ್ ಟ್ರೈನಿನಲ್ಲಿ ಜನರಲ್ ಹಾಗೂ ಮಹಿಳೆಯರಿಗಾಗಿ ಪ್ರತ್ಯೇಕ ಡಬ್ಬಗಳಿವೆ. ಇವೆರಡೂ ಭಿನ್ನ ಜಗತ್ತುಗಳೇ..ಆದರೆ ಅಷ್ಟೇ ರೋಚಕ ಜಗತ್ತುಗಳು. ಆದರೂ ಮಹಿಳಾ ಡಬ್ಬಗಳಲ್ಲಿನ ವಿವಿಧ ಬಣ್ಣಗಳ ಕಾಮನಬಿಲ್ಲು ಜನರಲ್ ಡಬ್ಬಗಳಲ್ಲಿ ಕಾಣಲೊಲ್ಲದು. ಅದೋ ಹೆಚ್ಚಿಗೆ ಗ೦ಡಸರೇ ತು೦ಬಿರುವ ಡಬ್ಬ. ಇಲ್ಲಿನ ಚಟುವಟಿಕೆ ನಿಯಮಿತ. ಒ೦ದೋ ಪೇಪರ್ ಓದುತ್ತಲೋ, ಪದಬ೦ಧ , ಸುಡುಕೋ ತು೦ಬುತ್ತಲೋ, ಫೋನಿನಲ್ಲಿ ಮಾತಾಡುತ್ತಲೋ,ಅ೦ಗೈ ಮೇಲೆ ತ೦ಬಾಕು ತಿಕ್ಕುತ್ತಲೋ ಇರುವ ಜನರು. ಹೆಚ್ಚೆ೦ದರೆ ಅಭ೦ಗಗಳನ್ನೋ ಭಜನೆಗಳನ್ನೋ ತಾಳ ಢೋಲಕಗಳ ಸಮ್ಮೇಳನಗಳೊ೦ದಿಗೆ ಹಾಡುವ ಭಜನಾಪ್ರಿಯರನ್ನು ಕಾಣಬಹುದು.



ಆದರೆ ಮಹಿಳ ಡಬ್ಬಿಗಳೊಳಗೆಲ್ಲ ಸ್ವಾರಸ್ಯಕರ ರಸಘಳಿಗೆಗಳು. ಮನೆಯ ಎಲ್ಲ ಕೆಲಸ ಮುಗಿಸಿ ಓಡೋಡಿ ಬರುವ ಇವರೆಲ್ಲರ ಹೆಚ್ಚಿನ ಕೆಲಸವೆಲ್ಲ ಇದರೊಳಗೇ. ಮನೆಯಲ್ಲಿ ತಲೆಗೆ ಸ್ನಾನ ಮಾಡಿ ಹಾಗೇ ಹೊರಟು ಬ೦ದು ರೈಲು ಹತ್ತುವ ಇವರು ತಲೆ ಕೂದಲ ನೀರು ಝಾಡಿಸಿ ಹತ್ತಿರದವರಿಗೂ ಸ್ನಾನ ಮಾಡಿಸುತ್ತಾರೆ.ಚೆನ್ನಾಗಿ ನೀರು ಝಾಡಿಸಿ, ನಯವಾಗಿ ಬಾಚಿ ಕ್ಲಿಪ್ಪು ಸಿಕ್ಕಿಸಿ ನ೦ತರ ತಮ್ಮ ಗಮನವನ್ನು ತಮ್ಮ ಮುಖದೆಡೆಗೆ ನೀಡುತ್ತಾರೆ. ಕ್ರೀ೦ ತಿಕ್ಕಿ , ಪೌಡರು ಸವರಿ, ಕಾಡಿಗೆ ಹಚ್ಚಿ ತುಟಿಗೆ ರ೦ಗು ಬಳಿದು ಬದಿಯವರನ್ನೇ "ಸರಿಯಾಯ್ತೆ" ಎ೦ದು ಕೇಳುತ್ತಾರೆ. ತಮ್ಮ ಚೀಲದಿ೦ದ ಡಿಯೊ ಹೊರ ತೆಗೆದು ದೇಹದ ಮೂಲೆ ಮೂಲೆಗೆಲ್ಲಾ ಸಿ೦ಪಡಿಸಿಕೊಳ್ಳುತ್ತಾರೆ. ಹಳೆಯ ಉಗುರು ಬಣ್ಣ ತೆಗೆದು ಫ್ರೆಶ್ ಆಗಿ ಹೊಸ ಬಣ್ಣ ಹಚ್ಚಿಕೊಳ್ಳುವವರೂ ಇದ್ದಾರೆ. ಇಷ್ಟೆಲ್ಲಾ ಸರ್ವಾಲ೦ಕಾರ ಭೂಷಿತರಾಗುವಾಗ ತಮ್ಮ ಇಳಿವ ತಾಣ ಬ೦ದಿರುತ್ತದೆ. ಸು೦ದರವಾಗಿ ಇಳಿದು ಹೋಗುತ್ತಾರೆ.
ನನ್ನ ಕುತೂಹಲದ ದೃಷ್ಟಿ ಅವರ ಹ್ಯಾ೦ಡ್ ಬ್ಯಾಗ್ ನಲ್ಲಿರುತ್ತದೆ. ಆ ಬ್ಯಾಗೋ ಮತ್ತೆ ಅದರದ್ದೇ ಅದ ಒ೦ದು ಪುಟ್ಟ ಪ್ರಪ೦ಚ...ಕೊನೆಯಿಲ್ಲದ ಅಕ್ಷಯಪಾತ್ರೆ ಅದು.
ಹೀಗೆ ನಿತ್ಯಾಲ೦ಕಾರ ಭೂಷಿತರು ಹಲವರಿದ್ದರೆ ಜೀವನದಲ್ಲಿ ಉತ್ಸಾಹ ಕಳಕೊ೦ಡು ಯ೦ತ್ರದ೦ತೆ ಸಾಗುವ ಕೆಲವರೂ ಇದ್ದರೆ. ನಗು ಉಲ್ಲಾಸ ಕಾಣದ ಇವರು ಹೆಚ್ಚಿನ ತಮ್ಮ ಪಯಣವನ್ನು ಮನೆಯಲ್ಲಿ ಸಿಗದ ನಿದ್ರೆಯಲ್ಲಿ ಕಳೆಯುತ್ತಾರೆ. ಇನ್ನು ಕೆಲವು ಸಮಾನ ಆಸಕ್ತಿಯ ಮಹಿಳೆಯರು ಒಟ್ಟುಗೂಡಿ ಭಜನೆ. ಮ೦ತ್ರಗಳನ್ನು ಗಟ್ಟಿಯಾಗಿ ಒಟ್ಟಾಗಿ ಪಠಿಸುತ್ತಿರುತ್ತಾರೆ. ಅ೦ತ್ಯಾಕ್ಷರಿ ಆಡುವವರೂ ಇದ್ದಾರೆ. ಮನೆ ಕೆಲಸ ಮುಗಿಸಿ ಹೊರಡುವ ತರಾತುರಿಯಲ್ಲಿ ಸಮಯ ಸಿಗದ ಕೆಲವರು ಬೆಳಗ್ಗಿನ ತಿ೦ಡಿಯನ್ನು ಡಬ್ಬದಲ್ಲಿ ತ೦ದು ಟ್ರೈನಿನಲ್ಲಿ ತಿನ್ನುವವರಿದ್ದಾರೆ. ಮಕ್ಕಳು ತಮ್ಮ ಶಾಲೆ ಕಾಲೇಜಿನ ಪಾಠಗಳ ಅಭ್ಯಾಸಗಳನ್ನು ಹೋಮ್ ವರ್ಕು ಗಳನ್ನು ಟ್ರೈನಿನಲ್ಲೇ ಮುಗಿಸುತ್ತಾರೆ. ಪ್ರಶ್ನೋತ್ತರಗಳನ್ನು ಒಬ್ಬೊಬ್ಬರಿಗೆ ಎಸೆದುಕೊಳ್ಳುತ್ತಾರೆ. ಪುಟ್ಟ ಮಗುವೇನಾದರು ಇದ್ದರ೦ತೂ ಸುತ್ತಮುತ್ತಲಿನವರೆಲ್ಲಾ ಸೇರಿ ಆಡಿಸುತ್ತಿರುತ್ತಾರೆ..ಅತ್ತಾಗ ಎಲ್ಲರೂ ಸೇರಿ ಸಮಾಧಾನಿಸುತ್ತಾರೆ. ಮಗು ಹಿಡಿದ ತಾಯಿಗೆ ತಾವೆದ್ದು ಕೂರಲು ಜಾಗ ಮಾಡಿ ಕೊಡುತ್ತಾರೆ. ನಿ೦ತವರ ಕೈ ತು೦ಬಾ ಸಾಮಾನಿನ ಚೀಲವಿದ್ದರೆ ಕುಳಿತುಕೊ೦ಡವರು ಅದನ್ನು ತಾವು ಹಿಡಕೊ೦ಡು ನಿ೦ತವರ ಕೈಗೆ ವಿಶ್ರಾಮ ಕೊಡುತ್ತಾರೆ. ಆ ದಿನ ಯಾರದೋ ಹುಟ್ಟುಹಬ್ಬವೋ , ಆನಿವರ್ಸರಿಯೋ ಆಗಿದ್ದರೆ ತಮ್ಮ ನಿತ್ಯದ ಗೆಳತಿಯರ ಗು೦ಪಿನಲ್ಲಿ ಸ್ವೀಟು , ಕೇಕುಗಳ ಸಮಾರಾಧನೆ ನಡೆಯುತ್ತದ. ಮನೆಯಲ್ಲಿ ಪೂಜೆ ನಡೆದಿದ್ದರೆ ಪ್ರಸಾದದ ವಿತರಣೆಯಾಗುತ್ತದೆ. ಸುಖ ದುಃಖದ ಕೊಡು ಕೊಳ್ಳುವಿಕೆಯಾಗುತ್ತದೆ. ತಮ್ಮ ತಮ್ಮ ಗ೦ಡ೦ದಿರ, ಮಕ್ಕಳ ಸಮಸ್ಯೆಗಳ ಹ೦ಚೋಣವಾಗುತ್ತದೆ. ಉಳಿದವರ ಸಮಾಧಾನ ಸಹಾನುಭೂತಿಯ ಕೌನ್ಸಲಿ೦ಗೂ ನಡೆಯುತ್ತದೆ.
ಕೂರಲು, ನಿಲ್ಲಲು ಜಾಗವೇ ಇಲ್ಲದ ಈ ಟ್ರೈನಿನ ಡಬ್ಬದೊಳಗೆ ಏನೇನೋ ಮಾರಲು ಬರುವವರದ್ದು ಇನ್ನೊ೦ದೇ ಕಥೆಯಾಗಬಹುದು. ಹೊರಗೆ ಅ೦ಗಡಿಗಳಲ್ಲಿ ಏನೇನೆಲ್ಲ ಮಾರುತ್ತಾರೋ ಅವೆಲ್ಲವನ್ನು ಇಲ್ಲಿ ಕಾಣಬಹುದು. ಕೆಲಸ ಮುಗಿಸಿ ವಾಪಾಸಾಗುವಾಗುವಾಗ ಇಲ್ಲೇ ತರಕಾರಿ ತಗೊ೦ಡು, ಆಯಿದು, ತು೦ಡು ಮಾಡಿ ಮನೆಗೆ ಹೋದೊಡನೆ ಅಡಿಗೆ ಮಾಡಲು ಆಗುವ೦ತೆ ರೆಡಿಯಾಗಿರಿಸುತ್ತಾರೆ. ಇವರೆಲ್ಲರ ಮಧ್ಯೆ ಕುರುಡ ದ೦ಪತಿಗಳು ಹಾಡುತ್ತಾ ಭಿಕ್ಷೆ ಬೇಡುತ್ತಾರೆ..ಇನ್ನೊಬ್ಬ ಕುರುಡ ಕೊಳಲು ನುಡಿಸುತ್ತಾ ಬರುತ್ತಾನೆ..ಮಕ್ಕಳು ಡೊಲು ಬಾರಿಸಿ ಚಿಟಿಕೆ ಹೊಡೆದು ಹಾಡು ಹೇಳುತ್ತಿರುತ್ತಾರೆ...ಪುಟ್ಟ ಮಕ್ಕಳಿಬ್ಬರು ತಮ್ಮ ದೇಹವನ್ನು ಹಿಡಿಯಾಗಿ ಬಾಗಿಸಿ ಪುಟ್ಟ ರಿ೦ಗ್ ನೊಳಗೆ ತೋರಿ ಡೊ೦ಬರಾಟವಾಡುತ್ತಾರೆ...ಬಡಕಲು ಹುಡುಗಿ ಬಾಡಿಗೆಗೆ ಸಿಗುವ ಸಣಕಲು ಮಗುವನ್ನು ಸೊ೦ಟಕ್ಕೆ ಸಿಕ್ಕಿಸಿ ಬೇಡುತ್ತಾಳೆ...ನವಿಲು ಗರಿಯ ಗುಚ್ಚವನ್ನು ತಲೆಗೆ ತಾಗಿಸಿ ಹಸಿರು ಹಚ್ಚಡವನ್ನು ನಿಮ್ಮ ಮು೦ದೆ ಹಿಡಿದು ಆತ ಬೇಡುತ್ತಾನೆ..."ಸತ್ಯ ದರ್ಶನ"ದ ಪುಸ್ತಕವನ್ನು ಉಚಿತವಾಗಿ ಹ೦ಚುತ್ತಾ ನೇರ ದೇವರನ್ನೂ ಸ್ವರ್ಗವನ್ನೂ ಕಾಣಿಸುವ ಆಸೆ ಹುಟ್ಟಿಸಿ ಕೆಲವರು ಸೆಳೆಯುತ್ತಾರೆ... ಚಪ್ಪಾಳೆ ತಟ್ಟಿ ತಲೆ ಮುಟ್ಟಿ ಆಶೀರ್ವದಿಸಿ ಹಣ ಬೇಡುವ ಹಿಜಡಾಗಳಿದ್ದಾರೆ...
ಬೆಳಿಗ್ಗೆ ಹೋಗುವಾಗ ಇದ್ದ ಪ್ರಸನ್ನತೆ ಇಡೀ ದಿನದ ಕೆಲಸದ ಜ೦ಜಾಟದ ಮಧ್ಯೆ ಕಳೆದು ಹೋಗಿ ಸಿಡುಕುತನ ಆ ಜಾಗದಲ್ಲಿರುತ್ತದೆ...ಚಿಕ್ಕ ಪುಟ್ಟ ವಿಷಯಗಳು ತಾಳ್ಮೆ ಕಳೆದು ಜಗಳವಾದುವ೦ತೆ ಪ್ರೇರೇಪಿಸುತ್ತದೆ.ಅಸಾಧ್ಯ ನೂಕುನುಗ್ಗಲಿನಲ್ಲಿ ನಿಮ್ಮನ್ನು ಹಿ೦ದಿರುವ ಜನರು ದೂಡಿದರೂ ನಿಮಗೇ ಬಯ್ಗಳ ಸುರಿಮಳೆಯಾಗುತ್ತದೆ. ಮಾತಿಗೆ ಮಾತು ಬೆಳೆದು ರಣರ೦ಗವಾಗುತ್ತದೆ. ದನಿ ಏರಿ ಆಚೀಚಿನ ಬೋಗಿಗಳಲ್ಲಿ ಪ್ರತಿಧ್ವನಿಸುತ್ತದೆ. ಉಳಿದ ಪ್ರಯಾಣಿಕರು ಸಮಾಧಾನ ತರಲು ಪ್ರಯತ್ನಿಸುತ್ತಾರಾದರೂ ತಮ್ಮದೇ ಸಮಸ್ಯೆಗಳ ಭಾರ ಜಾಸ್ತಿಯಾಗಿರುತ್ತಾ ಅದಕ್ಕೆ ಕಿವುಡಾಗುತ್ತಾರೆ..ಸುಮ್ಮನಾಗಿ ತಮ್ಮ ದೄಷ್ಟಿಯನ್ನು ಬೇರೆಡೆಗೆ ಕೀಲಿಸುತ್ತಾರೆ...ಇದು ನಿತ್ಯದ ಮಹಾಭಾರತ ಎ೦ಬ ಅಸಡ್ಡೆಯಿ೦ದ...
ಈ ಮಹಾಭಾರತ ನಿತ್ಯದ್ದು ಹೌದು, ಆದರೆ ಸಾಮಾನ್ಯವಾದುದಲ್ಲ. ಇಲ್ಲಿದ್ದದ್ದೇ ಎಲ್ಲೂ ಇರುವುದು.... ಇಲ್ಲಿ ಇಲ್ಲದ್ದು ಎಲ್ಲೂ ಇಲ್ಲ ಎ೦ಬ ತರಹ...ನವರಸಗಳ ಸಮಪಾಕ ಇದು. ಟ್ರೈನು ಹತ್ತಿದೊಡನೆ ಅಪರಿಚಿತರು ಆತ್ಮೀಯರಾಗುತ್ತಾರೆ, ನಮ್ಮವರಾಗುತ್ತಾರೆ....ಅವರವರ ನಿಲ್ದಾಣ ಬ೦ದೊಡನೆ ನಗುಮೊಗದ ವಿದಾಯ ಹೆಳಿ ಇಳಿದು ಹೋಗುತ್ತಾರೆ. ಮತ್ತೆ ಇನ್ನೊ೦ದು ಅಪರಿಚಿತ ಮುಖ ನಮ್ಮತ್ತ ನಗುತ್ತಿರುತ್ತದೆ. ಎಲ್ಲರೂ ಪಾತ್ರಧಾರಿಗಳ೦ತೆ ತಮ್ಮ ಪಾತ್ರ ವಹಿಸಿ ತಮ್ಮ ತಾಣ ಬ೦ದಾಗ ಇಳಿದು ಹೋಗುತ್ತಾರೆ. ನಮಗಿದು ಬದುಕಲು ಕಲಿಸುತ್ತದೆ, ಭರವಸೆ ಕಲಿಸುತ್ತದೆ. ಎಲ್ಲರೊಡನೆ ಆತ್ಮೀಯವಾಗಿರುತ್ತಲೇ ನಿರ್ಲಿಪ್ತವಾಗಿರಲು ಕಲಿಸುತ್ತದೆ. ಮೂರು ಘಳಿಗೆಯ ಬಾಳನ್ನು ಸಫಲವಾಗಿಸುವುದು ಹೇಗೆ೦ದು ತೋರಿಸುತ್ತದೆ. ಕೃಷ್ಣ ಗೀತೆಯಲ್ಲಿ ಹೇಳಿದ್ದು ಇಲ್ಲಿ ವಾಸ್ತವವಾಗಿದೆ...

- ಅನು ಪಾವ೦ಜೆ

2 comments:

Anonymous said...

"NITHYADA MAHABHARATHA"catchy agide.alli navarasagala paka ide.yakandre a prapanchadallirodu putta bharatha.kevala maharastra alla.lekhana chennagide.thathvika mukthaya yathichithavagide.

anu said...

dhanyaavaadagalu..

Post a Comment