ಈ ಕನಸು

ಇದು ವರ್ಷದ ಕನಸು

ನಮ್ಮ ಸಹೋದರ ಸಂಸ್ಥೆ ವಾರ್ತೆ.ಕಾಂ ನಲ್ಲಿ ಇತ್ತೀಚಿನ ಸುದ್ದಿ/ವಿಶೇಷ ವರದಿಗಳನ್ನು ವೀಕ್ಷಿಸಬಹುದು...

ರಾಜ್ಯ - ರಾಷ್ಟ್ರ
ಮೂಡಬಿದಿರೆ: ಅಬ್ಬ ಹೀಗೂ ಇವೆಯೇ... ? ಈ ಪ್ರಶ್ನೆಗಳು ಸಹಜವಾಗಿಯೇ ಮೂಡುವಂತೆ ಮಾಡಿದ್ದವು ವಿಶ್ವಪ್ರದಕ್ಷಿಣೆ ಗೈದ ಜೋನ್ ಟೊರೆಂಟಿ ಅವರ ಛಾಯಾಚಿತ್ರಗಳು. ಅಲ್ಲಿ ನೆರಳು ಬೆಳಕುಗಳ ಅದ್ಭುತ ಸಂಯೋಜನೆಗಳಿದ್ದವು, ನಿಸರ್ಗವನ್ನು ಯಥಾವತ್ತಾಗಿ ಚಿತ್ರೀಕರಿಸಿದ ರೀತಿಗಳಿದ್ದವು, ತಾಯಿ ಮಕ್ಕಳ ಸಂಬಂಧಗಳ ಚಿತ್ರಗಳಿದ್ದವು , "ಇದು ವಾಸ್ತವ" ಎಂಬುದನ್ನು ಅರಹುವ ಚಿತ್ರಗಳು ಅನೇಕವಿದ್ದವು. ಇವೆಲ್ಲವುಗಳನ್ನು ಜಾನ್ ಅತ್ಯಂತ ಸೂಕ್ಷ್ಮವಾಗಿ ತನ್ನ ಕ್ಯಾಮರಾದಲ್ಲಿ ಸೆರೆಹಿಡಿದ್ದರು. ಇವರ ಕಲಾತ್ಮಕ ಚಿತ್ರಗಳು ನೋಡುಗರನ್ನುಮೋಡಿಮಾಡಿದ್ದಂತೂ ದಿಟ. ಆಳ್ವಾಸ್ ಪದವಿ ಕಾಲೇಜಿನ ಪತ್ರಿಕೋದ್ಯಮ ವಿಭಾಗದ "ಬೆಳ್ಳಿಸಾಕ್ಷಿ" ಚಲನಚಿತ್ರ ವೇದಿಕೆ ಹಮ್ಮಿಕೊಂಡ "ಛಾಯಾಚಿತ್ರ - ಒಂದು ನೋಟ " ಕಾರ್ಯಕ್ರಮದಲ್ಲಿ ಜಾನ್ ತಮ್ಮ ಕ್ಯಾಮಾರಾಗಳಲ್ಲಿ ಸೆರೆಹಿಡಿದ ನೂರಾರು ಛಾಯಾಚಿತ್ರಗಳನ್ನು ಪ್ರದರ್ಶಿಸಿದರು. ಅದಕ್ಕೆ ಸೂಕ್ತ ವಿವರಣೆಗಳನ್ನೂ ನೀಡಿದರು. ಪ್ರಾಂಶುಪಾಲ ಪ್ರೊ.ಕುರಿಯನ್, ಉಪನ್ಯಾಸಕರುಗಳಾದ ಮೌಲ್ಯ ಬಿ. , ಹರೀಶ್ ಆದೂರು ಉಪಸ್ಥಿತರಿದ್ದರು. ವಿದ್ಯಾರ್ಥಿಗಳು ಆಸಕ್ತಿಯಿಂದ ಕಾರ್ಯಕ್ರಮದಲ್ಲಿ ಪಾಲ್ಗೊಂಡರು.

0 comments:

Post a Comment