ಈ ಕನಸು

ಇದು ವರ್ಷದ ಕನಸು

ನಮ್ಮ ಸಹೋದರ ಸಂಸ್ಥೆ ವಾರ್ತೆ.ಕಾಂ ನಲ್ಲಿ ಇತ್ತೀಚಿನ ಸುದ್ದಿ/ವಿಶೇಷ ವರದಿಗಳನ್ನು ವೀಕ್ಷಿಸಬಹುದು...

ರಾಜ್ಯ - ರಾಷ್ಟ್ರ

ಬೆಂಗಳೂರು: ಸಾರ್ವಜನಿಕರು ಸುಖಕರವಾಗಿ ಪ್ರಯಾಣ ಮಾಡಲು ರಾಜ್ಯ ರಸ್ತೆ ಸಾರಿಗೆ ನಿಗಮವು ಆಧುನೀಕ ತಂತ್ರಜ್ಞಾನವನ್ನೊಳಗೊಂಡ ಹೈಟೆಕ್ ಬಸ್ಸುಗಳನ್ನು ಪ್ರಯಾಣಿಕರ ಸೇವೆಗಾಗಿ ಬಿಡುಗಡೆಮಾಡಲಿದೆ ಎಂದು ಸಾರಿಗೆ ಹಾಗೂ ಆಹಾರ ಮತ್ತು ನಾಗರಿಕ ಪೂರೈಕೆ ಇಲಾಖೆ ಸಚಿವ ಆರ್. ಅಶೋಕ್ ತಿಳಿಸಿದರು.ಕರ್ನಾಟಕ ರಾಜ್ಯ ರಸ್ತೆ ಸಾರಿಗೆ ನಿಗಮ ವಿಧಾನಸೌಧದ ಮುಂಭಾಗದಲ್ಲಿ ಇಂದು ಏರ್ಪಡಿಸಿದ್ದ ಬೆಂಜ್ ಬಸ್ ಸೇವೆಗಳ' ಉದ್ಫಾಟನೆ ಹಾಗೂ ಕಿರುಹೊತ್ತಿಗೆಗಳನ್ನು ಬಿಡುಗಡೆಮಾಡಿ ಮಾತನಾಡುತ್ತಿದ್ದರು.ಸಚಿವರು ಮುಂದುವರೆದು ತಾಂತ್ರಿಕತೆ, ಸುರಕ್ಷತೆ ಹಾಗೂ ಸೇವೆ ಒದಗಿಸುವಲ್ಲಿ ರಾಜ್ಯ ರಸ್ತೆ ಸಾರಿಗೆ ಸಂಸ್ಥೆಯು ವಿಶ್ವದಲ್ಲೇ ಪ್ರಥಮ ಸಾಲಿನಲ್ಲಿ ಇರಲು ಶಕ್ತಿಮೀರಿ ಪ್ರಯತ್ನಿಸಲಾಗಿದೆ ಎಂದರು. ಇಂದು ಬಿಡುಗಡೆ ಮಾಡಲಾದ ಬೆಂಜ್ ಬಸ್ಸುಗಳು ಮೈಸೂರು, ಶಿವಮೊಗ್ಗ, ತಿರುಪತಿ, ಚೆನ್ನೈ ಹಾಗೂ ಹೈದರಾಬಾದ್ಗಳಿಗೆ ತೆರಳಲಿದ್ದು ಮುಂದಿನ ದಿನಗಳಲ್ಲಿ ರಾಜ್ಯದ ಹಲವು ಜಿಲ್ಲೆಗಳಿಗೆ ಈ ಬಸ್ಗಳ ಸೇವೆ ಒದಗಿಸಲಾಗುವುದು ಎಂದರು. ಐರಾವತ (ವೋಲ್ವೋ) ವಾಹನಗಳ ಪ್ರಯಾಣ ದರವನ್ನು ಮಾರ್ಪಡಿಸಿ ಬೆಂಜ್ ಬಸ್ಸುಗಳಿಗೂ ದರ ನಿಗದಿಪಡಿಸಲಾಗಿದ್ದು ಪ್ರಯಾಣಿಕರಿಗೆ ಹೆಚ್ಚಿನ ಹೊರೆ ಬೀಳುವುದಿಲ್ಲ ಎಂದ ಸಾರಿಗೆ ಸಚಿವರು ಸಚಿವರು ತಿಳಿಸಿದರಲ್ಲದೆ, ನಿಗಮಕ್ಕೆ ಈಗ 10 ಮರ್ಸಿಡಿಸ್ ಬೆಂಜ್ ಬಸ್ಸುಗಳು ಸೇರ್ಪಡೆಗೊಂಡಾಂತಾಗಿದೆ ಎಂದರು.ಹೆಚ್ಚಿನ ಗುಣಮಟ್ಟದ ಬಸ್ಸುಗಳನ್ನು ಹಾಗೂ ಸಾರಿಗೆ ಸೌಲಭ್ಯಗಳನ್ನು ಒದಗಿಸಲು ಸಾರಿಗೆ ಸಂಸ್ಥೆಯು ಸಿದ್ದವಿದೆ ಎಂದ ಅವರು ಮುಂದಿನ ದಿನಗಳಲ್ಲಿ ಅಂತರರಾಷ್ಟ್ರೀಯ ಗುಣಮಟ್ಟದ ಬಸ್ಸುಗಳನ್ನು ಬೆಂಗಳೂರಿಗೆ ತರುವ ಮೂಲಕ ಪ್ರಯಾಣಿಕರಿಗೆ ಇನ್ನು ಹೆಚ್ಚಿನ ಸೌಲಭ್ಯ ಕಲ್ಪಿಸಲಾಗುವುದು ಎಂದರು.

0 comments:

Post a Comment