ಈ ಕನಸು

ಇದು ವರ್ಷದ ಕನಸು

ನಮ್ಮ ಸಹೋದರ ಸಂಸ್ಥೆ ವಾರ್ತೆ.ಕಾಂ ನಲ್ಲಿ ಇತ್ತೀಚಿನ ಸುದ್ದಿ/ವಿಶೇಷ ವರದಿಗಳನ್ನು ವೀಕ್ಷಿಸಬಹುದು...

ರಾಜ್ಯ -ರಾಷ್ಟ್ರ
ಕನ್ನಡದ ಕಂಪು ಬೀರುವ ಈ ಕನಸು...
ಈ ಕನಸು ಬಹಳ ಚೆನ್ನಾಗಿ ಮೂಡಿಬಂದಿದೆ. ರಾಜಕೀಯ ವಿಶ್ಲೇಷಣೆಯಿಂದ ಕಥೆಗಳ ತನಕ, ಕಲೆಯ ಕುರಿತ ವಿಶ್ಲೇಷಣೆಯಿಂದ ಹೊಸ ಸುದ್ದಿಯ ತನಕ ಎಲ್ಲವೂ ಈ ಕನಸಿನಲ್ಲಿದೆ. ಬಹುಶಃ ಈ ಕಾರಣದಿಂದಾಗಿಯೇ ಈ ಕನಸು.ಕಾಂ ಎಲ್ಲಾ ವರ್ಗದ ಓದುಗರಿಗೆ ತಲುಪಿದ್ದು ಮಾತ್ರವಲ್ಲದೆ ಜನಪ್ರಿಯವಾಗಿದ್ದು ಎಂದರೆ ತಪ್ಪಾಗಲಾರದು. ಈ ಕನಸನ್ನು ಸಂಪೂರ್ಣ ಓದಿದಾಗ ಕನ್ನಡದ ಕಂಪು ಸವಿದಂತಾಗುತ್ತದೆ. ಪ್ರತೀ ಭಾಷೆಗೂ ಅದರದ್ದೇ ಆದ ಕಂಪಿದೆ. ಆ ಕಂಪನ್ನು ಭಾಷೆ ಬಳಸಿದವರೆಲ್ಲ ನೀಡುವುದಿಲ್ಲ. ಆದರೆ ಈ ಕನಸು ನೀಡುತ್ತಿದೆ. ಹೀಗಂದಮಾತ್ರಕ್ಕೆ ಸಾಹಿತ್ಯದ ಶ್ರೇಷ್ಠತೆ ಬಲ್ಲವರಿಗೆ ಮಾತ್ರ ಈ ಕನಸು ಅರ್ಥವಾಗುತ್ತದೆ ಎಂದಲ್ಲ.


ಮುಖಪುಟ ವಿನ್ಯಾಸ, ಪ್ರತಿಯೊಂದು ಬರಹಗಳ ಜೊತೆ ಜೊತೆಗೆ ನೀಡುವ ಪೂರಕ ಚಿತ್ರಗಳು, ಅವುಗಳ ವಿನ್ಯಾಸಗಳು, ಸುದ್ದಿಯ ಪರಿಕಲ್ಪನೆ ಇವೆಲ್ಲವೂ ಜನಸಾಮಾನ್ಯರಿಂದ ತೊಡಗಿ ಬುದ್ಧಿಜೀವಿಯ ತನಕ ಎಲ್ಲರಿಗೂ ತಲುಪುವಂತಾಗಿದೆ.
ಇಷ್ಟೆಲ್ಲ ಮಾಡಿದ ಈ ಕನಸಿನ ರೂವಾರಿ, ಸಂಪಾದಕ ಹರೀಶ್ ಆದೂರು ಪತ್ರಿಕೋದ್ಯಮದಲ್ಲಿ ಹಲವು ದಶಕಗಳನ್ನು ಕಳೆದಿರಬಹುದೆಂಬ ಭಾವನೆ ನನ್ನದಾಗಿತ್ತು. ಆದರೆ ಅವರು ಹುಟ್ಟಿಯೇ ಇನ್ನೂ ಮೂರು ದಶಕಗಳು ಆಗಿಲ್ಲ ಎಂಬುದನ್ನು ಅರಿತು ಅಚ್ಚರಿಗೊಂಡೆ...!ನನ್ನ ಮಗನ ವಯಸ್ಸಿನವರು ಹರೀಶ್. ಬಹಳ ಚಿಕ್ಕ ವಯಸ್ಸಿನಲ್ಲೇ ಉತ್ತಮ ಸಾಧನೆ ಮೆರೆದಿದ್ದಾರೆ. ಈ ಕನಸು.ಕಾಂ, ಅದರ ಸಂಪಾದಕ ಹರೀಶ್ ಇನ್ನಷ್ಟು ಎತ್ತರಕ್ಕೆ ಬೆಳೆಯಲಿ ಎಂಬ ಮುಕ್ತ ಹಾರೈಕೆ ನಮ್ಮದು.
- ತಾರಾ ಭಟ್, ಹೊನ್ನಾವರ

0 comments:

Post a Comment