ಈ ಕನಸು

ಇದು ವರ್ಷದ ಕನಸು

ನಮ್ಮ ಸಹೋದರ ಸಂಸ್ಥೆ ವಾರ್ತೆ.ಕಾಂ ನಲ್ಲಿ ಇತ್ತೀಚಿನ ಸುದ್ದಿ/ವಿಶೇಷ ವರದಿಗಳನ್ನು ವೀಕ್ಷಿಸಬಹುದು...
6:10 PM

ನಿರೀಕ್ಷೆ...

Posted by ekanasu

ಸಾಹಿತ್ಯ

ಮುಂಜಾನೆ ಸೂರ್ಯ ಹೊಂಬಿಸಿಲಲಿ ಮಿಂದು
ಮೂಡಣ ಬಾಗಿಲ ಕದ ತೆಗೆದು
ಅಶ್ವರಥವೇರಿ ಬರುತಾನ
ಮುಂಬಾಗಿಲ ಬಳಿಗೆ ನನ್ನಯ
ಒಳಗೆ ಭರವಸೆಯ ಬಿಸಿಲೊಡೆದು
ಬೆಳ್ಳಾನೆ ಬೆಳಕ ತರುತಾನ


ಮುದುಡಿ ಮೊಗ್ಗಾದ ಮನ
ಹಿರಿ ಹಿರಿ ಹಿಗ್ಗಿದೆಯೋ ನನ್ನ
ಸೂರ್ಯನ ಆಗಮನದಿ ಅರಳಿ
ಹಿಗ್ಗಿದ ನನ್ನಯ ಮನವು
ಬಣ್ಣ ಬಣ್ಣದ ಹೂವಾದವೋ

ಮುತ್ತು ಮಾಣಿಕ್ಯ ಎನ್ನದೆಯೇ
ನನ್ನ ಮನದೊಳಗೆ ಮನದೊಡೆಯ
ಪ್ರೀತಿಯ ಮಕರಂದ ತುಂಬಿದನೋ
ದುಂಬಿಯಾಗಿ ನನ್ನ ಒಡಲೆಲ್ಲಾ ಕೊರೆದು
ಮಧುವೆಲ್ಲಾ ಹೀರಿ ಹಾರಿದನೋ

ಮುಸ್ಸಂಜೆ ಸೂರ್ಯ ಸಾಗರದಿ ಮುಳುಗಿ
ಪಡುವಣದ ಪಲ್ಲಂಗದಲ್ಲಿ ಕದಹಾಕಿ
ಮಲಗಿದನೋ... ಅರಳಿನಿಂತ ಹೂವ
ಬಾಡಿಸಿ ಬತ್ತಿಸಿ ನನ್ನಯ ಮನವ
ಜೀವ ಸೆಲೆಯ ಕಿತ್ತು ದುಃಖದ ಮಡುವಲ್ಲಿ
ನೂಕಿದನು ಆದರೂ ನನ್ನ
ಸೂರ್ಯ ಮತ್ತೊಮ್ಮೆ ಬಂದೇ ಬರುತಾನೋ...

- ಸೌಮ್ಯ ಸಾಗರ.

1 comments:

Harshith Hegde said...

superb

Post a Comment