ಈ ಕನಸು

ಇದು ವರ್ಷದ ಕನಸು

ನಮ್ಮ ಸಹೋದರ ಸಂಸ್ಥೆ ವಾರ್ತೆ.ಕಾಂ ನಲ್ಲಿ ಇತ್ತೀಚಿನ ಸುದ್ದಿ/ವಿಶೇಷ ವರದಿಗಳನ್ನು ವೀಕ್ಷಿಸಬಹುದು...
10:41 PM

ಒಂದು ಹಿನ್ನೋಟ...

Posted by ekanasu

ಆತ್ಮೀಯ ಅಭಿಮಾನಿ ಓದುಗ ಮಿತ್ರರೇ...
ಮೊತ್ತ ಮೊದಲನೆಯದಾಗಿ ನಿಮಗೆ ಕೃತಜ್ಞತೆಗಳು.
ಈ ಕನಸು.ಕಾಂ ಇಂದಿಗೆ ಎರಡು ವರುಷಗಳನ್ನು ಪೂರೈಸಿ ಮೂರನೇ ವರುಷಕ್ಕೆ ಕಾಲಿಡುತ್ತಿದೆ. ಇದಕ್ಕೆ ಮೊತ್ತ ಮೊದಲ ಕಾರಣೀಕರ್ತರು ಓದುಗ ಮಿತ್ರರು!.ಅದಕ್ಕಾಗಿ ಮೊತ್ತ ಮೊದಲ ಕೃತಜ್ಞತೆಗಳು, ನಮನಗಳು ನಿಮಗೆ ಸಲ್ಲಬೇಕಾಗಿದೆ!
"ಈ ಕನಸು.ಕಾಂ" ಇದು ನಿಮ್ಮಿಂದ ಸಾಧ್ಯವೇ? ಎಷ್ಟುದಿನ ನೀವು ನಡೆಸುತ್ತೀರಿ...? ಇದೆಲ್ಲಾ ಆಗುವ ಹೋಗುವ ಕೆಲಸವಲ್ಲ...ಹೀಗೆ ಹತ್ತು ಹಲವು ಋಣಾತ್ಮಕ ಮಾತುಗಳು ಈ ಕನಸಿನ ಆರಂಭದ ದಿನಗಳಲ್ಲಿ ಕೇಳಿಬಂದಿದ್ದವು. ಅನೇಕ ಮಂದಿ ದೂರದಲ್ಲಿ ನಿಂತು ಗೊಳ್ಳೆಂದು ನಕ್ಕರು. ಇವರಿಗೆ ಹುಚ್ಚು ಎಂದು ಹೇಳಿದರು... ಹೌದು. ನಮಗೆ ಹುಚ್ಚು...ಆ ಹುಚ್ಚಿದ್ದದಿಂದಲೇ ಇಂದು ಈ ಕನಸು ಯಶಸ್ವಿಯಾಗಿ 2ವರುಷ ಪೂರೈಸಿ ಮೂರನೇ ವರುಷಕ್ಕೆ ಹೆಮ್ಮೆಯಿಂದ ಕಾಲಿಡುತ್ತಿದೆ!



ಈ ಕನಸು.ಕಾಂ ಒಂದು ಪುಟ್ಟ ಬಾಲೆ. ಆರ್ಥಿಕ ಸದೃಢತೆಯನ್ನು ಹೊಂದಿಲ್ಲ. ಯಾವುದೇ ದೊಡ್ಡ ಸಂಸ್ಥೆಯ ಬೆಂಬದಿಂದ ಬದುಕುತ್ತಿಲ್ಲ.ಇದೇನಿದ್ದರೂ ಬರಹಗಾರರಿಗೆ ಒಂದು ಮುಕ್ತ ವೇದಿಕೆ ಆಗಬೇಕೆಂಬ ಉದ್ದೇಶಹೊಂದಿ ಕಾರ್ಯಾಚರಿಸುತ್ತಿದೆ. ಮಾಧ್ಯಮ ರಂಗ ಪ್ರಸಕ್ತ ದಿನಗಳಲ್ಲಿ ಉದ್ಯಮವಾಗಿ ಬದಲಾಗುತ್ತಿದ್ದಂತೆ ಮಾಧ್ಯಮ ಕೇವಲ ವಾಣಿಜ್ಯ ಸರಕಾಗಿ ಓದುಗರಿಗೆ "ನಾವು ಕೊಟ್ಟದ್ದನ್ನು ನೀವು ಓದಿ/ಕೇಳಿ/ವೀಕ್ಷಿಸಿ" ಎಂಬಂತೆ ಬದಲಾಗಿದೆ. ಮಾಧ್ಯಮ ರಂಗದ ನೈತಿಕತೆ ಮಾಯವಾಗಿದೆ. ಗಟ್ಟಿದನಿ ಅಡಗಿಹೋಗಿದೆ. ಮಾಧ್ಯಮ ರಂಗದಲ್ಲಿ (ಈಗಿನ ಪತ್ರಿಕೋದ್ಯಮದಲ್ಲಿ!)ಕಾರ್ಯನಿರ್ವಹಿಸುವ ಮಂದಿ ಇಂದು "ಕೈ ಚಾಚಿ" ಅಪವಿತ್ರರಾಗುತ್ತಿದ್ದಾರೆ.(ಇದು ಎಲ್ಲರಿಗು ಅನ್ವಯವಾಗುವುದಿಲ್ಲ. ಅನೇಕ ಮಾಧ್ಯಮ ಮಿತ್ರರು ಇನ್ನೂ ಮಡಿವಂತಿಕೆ ಉಳಿಸಿಕೊಂಡಿದ್ದಾರೆ ಎಂಬುದು ಗಮನಾರ್ಹ.). ವೇದಿಕೆಯೇರಿ ಭಾಷಣ ಬಿಗಿಯುವುದು, ತಮ್ಮ ತಮ್ಮ ಅಂಕಣದಲ್ಲಿ ದೊಡ್ಡ ದೊಡ್ಡ ಹೇಳಿಕೆಗಳನ್ನು ನೀಡಿ ತಾವು ಸಾಚಾ ಎಂಬ ಫೋಸ್ ನೀಡುತ್ತಾ ಸಮಾಜದೆದುರು ಹೀರೋಗಳಾದರೆ ಒಳಗೊಳಗೇ ಹುಳುಕುಗಳನ್ನು ಹೊಂದಿ ಮತ್ತೊಂದೆಡೆ ಸಮಾಜದಲ್ಲೇ ಅಪಹಾಸ್ಯಕ್ಕೀಡಾಗುತ್ತಿರುವ ಇಂದಿನ ಮಾಧ್ಯಮ/ಮಾಧ್ಯಮ ಮಂದಿಯ ಸ್ಥಿತಿಗತಿಗಳು ಮರುಕ ಹುಟ್ಟಿಸುತ್ತದೆ.

ಆದರೆ ಈ ಕನಸು.ಕಾಂ ಇಂತಹ ಮಾಧ್ಯಮಗಳಿಗಿಂತ ಭಿನ್ನವಾಗಿದೆ ಎಂದು ಎದೆತಟ್ಟಿ ಹೇಳಿಕೊಳ್ಳುತ್ತಿದೆ. ಯಾವುದೇ ರೀತಿಯ ವಾಣಿಜ್ಯ ದೃಷ್ಟಿಕೋನವನ್ನು ಹೊಂದಿರದೆ ಕೇವಲ ಬರಹಗಾರರಿಗೆ ಒಂದು ವೇದಿಕೆಯಾಗಬೇಕು, ಸತ್ಯ,ನಿಷ್ಠ ಸುದ್ದಿ/ಲೇಖನ/ವಿಮರ್ಶೆ ಓದುಗರಿಗೆ ದೊರಕಬೇಕು , ಪತ್ರಿಕಾ ರಂಗದ ಪಾವಿತ್ರ್ಯತೆಯನ್ನು ಉಳಿಸಿ ಬೆಳೆಸಬೇಕು ಎಂಬ ಧ್ಯೇಯೋದ್ದೇಶದೊಂದಿಗೆ ಈ ಕನಸು.ಕಾಂ ಕಾರ್ಯೋನ್ಮುಖವಾಗಿದೆ. ಇದರಲ್ಲಿ ಕಳೆದೆರಡು ವರುಷಗಳಲ್ಲಿ ಸಫಲತೆಯನ್ನೂ ಕಂಡಿದೆ.

ಯಾವುದೇ ರೀತಿಯಲ್ಲೂ ಜಾಹೀರಾತುಗಳ ವಾಸನೆಯಿಲ್ಲದೆ; ಪಕ್ಷ, ಜಾತಿ, ಧರ್ಮ, ಪಂಥಗಳ ಓಲೈಕೆಯಿಲ್ಲದೆ ಸುದ್ದಿ/ವಿಶೇಷ ವರದಿ/ಲೇಖನ/ ವಿಮರ್ಶೆ/ವೈವಿಧ್ಯ/ಛಾಯಾಚಿತ್ರ/ಸಾಹಿತ್ಯ ಹೀಗೆ ಹತ್ತು ಹಲವು ಭಿನ್ನ ವಿಭಿನ್ನ ಕ್ಷೇತ್ರಗಳ ಮೂಲಕ ಓದುಗರಿಗೆ ನಿರಂತರ ವಿಚಾರಗಳನ್ನು ನೀಡುತ್ತಾ ತನ್ನ ವ್ಯಾಪ್ತಿಯಲ್ಲಿ ಉತ್ತಮ ಕಾರ್ಯನಿರ್ವಹಣೆಯನ್ನು ಮಾಡಿದೆ ಎಂದು ಹೇಳಲು ಹೆಮ್ಮೆಯಾಗುತ್ತಿದೆ.

ಹತ್ತು ಹಲವು ಬರಹಗಾರರನ್ನು ಬೆಳೆಸಿದೆ. ಸುಪ್ತ ಸಾಮರ್ಥ್ಯಗಳನ್ನು ಜಾಗತಿಕ ಮಟ್ಟದಲ್ಲಿ ಗುರುತಿಸುವಂತೆ ಮಾಡುವಲ್ಲಿ ಈ ಕನಸು ಯಶಸ್ವಿಯಾಗಿದೆ. ಅಶಕ್ತರಿಗೆ ಆಸರೆಯಾಗುವಲ್ಲಿ ತನ್ನದೇ ಪ್ರಯತ್ನ ನಡೆಸಿದೆ. ಉದಯೋನ್ಮುಖ ಬರಹಗಾರರ ಬರಹಗಳಿಗೆ ಅವಕಾಶ ನೀಡಿದೆ.ಇದೆಲ್ಲವೂ ದೊಡ್ಡ ಸಾಧನೆಯಲ್ಲ. ಬದಲಾಗಿ ಈ ಕನಸಿಗೆ ಇವೆಲ್ಲವೂ ತೃಪ್ತಿ ನೀಡಿದ ಕಾರ್ಯಗಳು.

ಕನ್ನಡದ ಮೊದಲ ಪತ್ರಿಕೆ ಆರಂಭಗೊಂಡ ಮಂಗಳೂರಿನಲ್ಲಿಯೇ ಮಂಗಳೂರಿನ ಮೊದಲ ಕನ್ನಡ ಅಂತರ್ಜಾಲ ಪತ್ರಿಕೆಯಾಗಿ "ಈ ಕನಸು.ಕಾಂ"ಮೂಡಿಬಂದಿದೆ ಎಂಬುದು ಹೆಮ್ಮೆ ತಂದ ವಿಷಯ.
ಆರಂಭದಲ್ಲಿ ಅಂಕಣ ನೀಡಿ ಸಹಕರಿಸಿದ ಹಿರಿಯರನೇಕರ ಸಹಕಾರ ಎಂದೆಂದಿಗೂ ಮರೆಯುವಂತಿಲ್ಲ. ಒಂದಷ್ಟುಕಾಲ ಜೊತೆಗಿದ್ದ ಮಿತ್ರರನ್ನೂ ಮರೆಯುವಂತಿಲ್ಲ. ಮೆರೆದಂತಹ ನೆನಪು ನೀಡಿಹೋದ ಅನೇಕರ ನೆನಪುಗಳು ಈ ಕನಸಿನಲ್ಲಿ ಮಾಸುವುದೂ ಇಲ್ಲ. ಇಷ್ಟೆಲ್ಲಾ ಆಗಿದ್ದರೂ ಈ ಕನಸು ಇಂದಿಗೂ ಆ ನಿರಂತರತೆಯನ್ನು ಕಾಯ್ದುಕೊಂಡಿದೆ. ಹೊಸ ಪ್ರಯೋಗಗಳಿಗೆ ತನ್ನನ್ನು ಒಡ್ಡಿಕೊಳ್ಳುತ್ತಾ ಯಶ ಪಡೆದಿದೆ.
ಹತ್ತು ಹಲವು ವಿಶೇಷ ವರದಿಗಳ ಮೂಲಕ ಓದುಗರ ಮನಗೆದ್ದಿದೆ. ನೇರ ವರದಿಗಳನ್ನು ಕನ್ನಡ ವೆಬ್ ಮಾಧ್ಯಮದಲ್ಲಿ ಮಾಡುವ ಮೂಲಕ ಹೊಸ ಪರಂಪರೆಗೆ ನಾಂದಿ ಹಾಡಿದೆ. ಹಲವು ಹೊಸ ವಿಚಾರಗಳಿಗೆ ಈ ಕನಸು ವೇದಿಕೆಯಾಗಿದೆ. ನೂರಾರು ಸುದ್ದಿಗಳನ್ನು ಮೊದಲು ವರದಿಮಾಡುವ ಮೂಲಕ " ಈಕನಸು.ಕಾಂ" ಇತರ ಮಾಧ್ಯಮಗಳಿಗಿಂತ ಭಿನ್ನ ಎಂಬುದನ್ನು ಹಲವು ಬಾರಿ ಸಾಬೀತು ಪಡಿಸಿದೆ.ಹೆಜ್ಜೆ ಹೆಜ್ಜೆಗೆ ಸವಾಲುಗಳನ್ನು ಎದುರಿಸಿ, ಏಳು ಬೀಳುಗಳ ಮಧ್ಯೆ, ಮುಳ್ಳ ಹಾದಿ ತುಳಿದು ಈ ಕನಸು.ಕಾಂ ಎರಡು ವರುಷಗಳನ್ನು ಪೂರೈಸಿದೆ.

ಹೊಸನಗರದ ಶ್ರೀ ರಾಮಚಂದ್ರಾಪುರ ಮಠದ ಶ್ರೀ ಶ್ರೀ ಶ್ರೀ ರಾಘವೇಶ್ವರ ಭಾರತೀ ಮಹಾಸ್ವಾಮಿಗಳ ಪೂರ್ಣಾನುಗ್ರಹ ಈ ಕನಸು.ಕಾಂ ಮೇಲಿದೆ ಎಂಬುದು ಸಂತಸದ ವಿಷಯ.
ಬಜಪೆಯ ದೀಪ್ ಕಿರಣ್ ಈ ಕನಸಿನ ತಾಂತ್ರಿಕ ಸಲಹೆಯಲ್ಲಿ ಕೈಜೋಡಿಸಿದ್ದಾರೆ. ಅನೇಕ ಮಂದಿ ಹೊಸ ಅಂಕಣಗಾರರು ನಿರಂತರ ಈ ಕನಸಿಗೆ ಬರಹಗಳನ್ನು ನೀಡುತ್ತಾ ಪ್ರೋತ್ಸಾಹಿಸುತ್ತಿದ್ದಾರೆ. ಒಂದಷ್ಟು ಹಿರಿ ಕಿರಿಯ ಲೇಖಕರ ಬರಹಗಳು ಈ ಕನಸಿನಲ್ಲಿ ಈ ತನಕ ಮೂಡಿಬಂದಿದೆ. ಮುಂದೆಯೂ ವೈವಿಧ್ಯಮಯ ಲೇಖನ, ಹೊಸ ವಿಚಾರಗಳು ಮೂಡಿಬರಲಿದೆ. ಆರೋಗ್ಯ,ಶಿಕ್ಷಣ, ಸಾಹಿತ್ಯ, ವೈವಿಧ್ಯ, ವಿಶೇಷ ವರದಿಗಳು ನಿರಂತರವಾಗಿ ಇನ್ನಷ್ಟು ಓದುಗರ ಮನತಲುಪಲಿದೆ.

ಬರಹಕೊಡುತ್ತೇನೆಂದು ಆಶ್ವಾಸನೆ ನೀಡಿದ ; ನಂತರ ಮರೆತ ಅನೇಕ ಮಿತ್ರರು ಈಗ ನೆನಪಿಗೆ ಬರುತ್ತಾರೆ. ಕೇವಲ ಒಂದು ಮಿಂಚಂತೆಗೆ ಪ್ರತಿಕ್ರಿಯಿಸಿ ಬರಹಗಳ ರಾಶಿಯನ್ನೇ ಕಳುಹಿಸಿದ ಆತ್ಮೀಯ ಮಿತ್ರರು ಸದಾ ನೆನಪಿನಲ್ಲಿದ್ದಾರೆ. ಪ್ರತ್ಯಕ್ಷ , ಪರೋಕ್ಷವಾಗಿ ಸಹಕರಿಸಿದ ಎಲ್ಲ ಓದುಗ ಅಭಿಮಾನಿಗಳಿಗೂ ಈ ಕನಸು ಋಣಿಯಾಗಿದೆ.

ತಾಂತ್ರಿಕ ಸಮಸ್ಯೆಗಳು ಈ ಕನಸಿನಲ್ಲಿ ಕಾಣಿಸಿಕೊಂಡಾಗ ಓದುಗರು ಮನ್ನಿಸಿದ್ದಾರೆ. ಮುಂದೆಯೂ ಓದುಗ ಮಿತ್ರರ, ಬರಹಗಾರರ ಪ್ರೋತ್ಸಾಹ ಬೆಂಬಲ ಇನ್ನೂ ಹೆಚ್ಚಿನ ರೀತಿಯಲ್ಲಿ ಈ ಕನಸಿನ ಮೇಲಿರಲಿ ಎಂಬ ಆಶಯ ನಮ್ಮದು.
ಪ್ರೀತಿಯಿಂದ ಹೆಜ್ಜೆ ಹಾಕೋಣ...ವರ್ಷದ ಕನಸನ್ನು ಮುನ್ನಡೆಸೋಣ....ಜೊತೆಯಾಗಿ ಸಾಗೋಣ ನಾವು ನೀವು...ಎಲ್ಲರೂ...
ಶುಭವಾಗಲಿ...

ಟೀಂ ಈ ಕನಸು ಜೊತೆ ಸಂಪಾದಕ.

1 comments:

ganesh kiran said...

I wont able to forget this day in my life. me and my dear harishanna has started this web portal with a great aim and vision before 3 years. We had a great ambition to make ekanasu to big success. We had strive several days to shape this web portal. When we are launching this portal we didnt had basic necessities also. This is great to be achive 3 years as a web portal as well as a media. I wish my heartly success to ekanasu to become a successful and a effective media in upcoming years
Ganesh Kiran
Team ekanasu

Post a Comment