ಈ ಕನಸು

ಇದು ವರ್ಷದ ಕನಸು

ನಮ್ಮ ಸಹೋದರ ಸಂಸ್ಥೆ ವಾರ್ತೆ.ಕಾಂ ನಲ್ಲಿ ಇತ್ತೀಚಿನ ಸುದ್ದಿ/ವಿಶೇಷ ವರದಿಗಳನ್ನು ವೀಕ್ಷಿಸಬಹುದು...
8:49 AM

ಬಕಾಸನ

Posted by ekanasu

ಆರೋಗ್ಯ
ಬಕ ಎಂದರೆ ಕೊಕ್ಕರೆ. ಈ ಆಸನವು ಕೊಕ್ಕರೆಯ ರೂಪವನ್ನು ಹೋಲುವುದರಿಂದ ಈ ಆಸನಕ್ಕೆ ಬಕಾಸನ ಎಂದು ಹೆಸರು. ಈ ಆಸನವು ಕ್ಲಿಷ್ಟಕರ ಆಸನವಾಗಿದೆ. ಆರಂಬದಲ್ಲಿ ಗುರುಮುಖೇನ ಈ ಆಸನ ಅಭ್ಯಾಸ ಮಾಡಬೇಕು.

ಅಭ್ಯಾಸ ಕ್ರಮ

ಮೊದಲು ಕಾಲಿನ ಪಾದಗಳನ್ನು ಜೋಡಿಸಿ ಕುಳಿತುಕೊಳ್ಳಬೇಕು. ಈ ಸ್ಥಿತಿಯಲ್ಲಿ ಅಂಗಾಲು ಹಿಮ್ಮಡಿಗಳನ್ನು ನೆಲದ ಮೇಲೆ ಗಟ್ಟಿಯಾಗಿ ಊರಬೇಕು. ಅನಂತರ ಮೊಣಕಾಲುಗಳನ್ನು ಅಗಲಿಸಿ ತಲೆಯನ್ನು ಮುಂದೆ ತರಬೇಕು. ಆ ಮೇಲೆ ಉಸಿರು ಹೊರಕ್ಕೆ ಬಿಟ್ಟು ಕಾಲುಗಳನ್ನು ತೋಳುಗಳಿಂದ ಬಳಸಿ, ಕೈಗಳನ್ನು ನೆಲದ ಮೇಲೆ ಇಟ್ಟು ಮೊಣ ಕೈಗಳನ್ನು ಬಗ್ಗಿಸಿ ಹಿಮ್ಮಡಿಗಳನ್ನು ನೆಲದಿಂದ ಮೇಲೆ ಎತ್ತಬೇಕು.



ಮೊಣಕಾಲುಗಳು ಕಂಕುಳದ ಹತ್ತಿರ ಒರಗಿಸಿಡಬೇಕು. ಕಾಲು ಬೆರಳುಗಳು ನೆಲದಿಂದ ಮೇಲೆತ್ತಬೇಕು. ಇಡೀ ದೇಹವನ್ನು ಕೈಗಳ ಮೇಲೆ ಸಮತೋಲದಲ್ಲಿರಿಸಬೇಕು. ಈ ಸ್ಥಿತಿಯಲ್ಲಿ ಸಮ ಉಸಿರಾಟ ನಡೆಸುತ್ತಾ ಅರ್ಧ ನಿಮಿಷ ಇರಬೇಕು. ಅನಂತರ ನೆಲದ ಮೇಲೆ ವಿಶ್ರಾಂತಿ ಪಡೆಯಬೇಕು.

ಉಪಯೋಗಗಳು

ಈ ಆಸನದಿಂದ ತೋಳುಗಳು ಬಲಯುತವಾಗುವುವು. ಕಿಬ್ಬೊಟ್ಟೆಯ ಮಾಂಸ ಖಂಡಗಳು ಚೆನ್ನಾಗಿ ಬಲಿಷ್ಟವಾಗುತ್ತವೆ. ಕರುಗಳುಗಳು ಶಕ್ತಿಯನ್ನು ಪಡೆಯುತ್ತವೆ. ಸಮತೋಲನ ಸ್ಥಿತಿಯನ್ನು ಕಾಪಾಡಲು ಸಹಕಾರಿಯಾಗುತ್ತದೆ.

'ಯೋಗರತ್ನ' ಶ್ರೀ ಗೋಪಾಲಕೃಷ್ಣ ದೇಲಂಪಾಡಿ

0 comments:

Post a Comment