ಈ ಕನಸು

ಇದು ವರ್ಷದ ಕನಸು

ನಮ್ಮ ಸಹೋದರ ಸಂಸ್ಥೆ ವಾರ್ತೆ.ಕಾಂ ನಲ್ಲಿ ಇತ್ತೀಚಿನ ಸುದ್ದಿ/ವಿಶೇಷ ವರದಿಗಳನ್ನು ವೀಕ್ಷಿಸಬಹುದು...
9:24 PM

ಪ್ರಾರ್ಥನೆ

Posted by ekanasu

ಸಾಹಿತ್ಯ

ಮರೆತೆನೆಂದರೆ ಹೇಗೆ
ಮರೆಯಲೇ ನನ ಮಗುವೆ
ಹಳೆಯ ನೆನಪನ್ನು
ಕನಲಿ ಕಾಡುವ ಕನಸನ್ನು


ನರಳಿ ನಲುಗುವ ಮನದಿ
ಪುಡಿಯಾದ ನಲ್ಮೆಗಳು
ಬಾಡಿರುವ ಜೀವಕ್ಕೆ
ಅಲ್ಲಲ್ಲಿ ಗಾಯಗಳು

ಭೋರಿಡುವ ಹೃದಯದಲಿ
ರೋಷ ದಾವಾಗ್ನಿಗಳು
ಜಡಿಮಳೆಯ ತುಯ್ತದಲಿ
ಭ್ರಮೆಯ ನೆರಳಾಟಗಳು

ನಿನ್ನ ಮಂದಸ್ಮಿತಕೆ
ಕಣ್ಣ ಮಿಂಚಿನ ನೆನಕೆ
ಭರವಸೆಯ ಸಲಿಲವನು
ಹರಿಸಿ ಬಿಡುವೆ

ನನ್ನೊಲವ ಸುರಿ ಸುರಿದು
ನಿನ್ನ ಕಾಪಾಡುವೆನು
ಕನಸ ಕಾಮನ ಬಿಲ್ಲು
ತಂದುಕೊಡುವೆ

ನಿನ್ನ ಎಳೆಮನದಲ್ಲಿ
ಹಸಿರು ತುಂಬುವೆ ಮಗುವೆ
ದೀಪದಡಿ ನೆರಳಿರಲು
ಬೆಳಕು ಸುಳ್ಳೇ ?

- ಜಯಶ್ರೀ ಬಿ.



0 comments:

Post a Comment