ಈ ಕನಸು

ಇದು ವರ್ಷದ ಕನಸು

ನಮ್ಮ ಸಹೋದರ ಸಂಸ್ಥೆ ವಾರ್ತೆ.ಕಾಂ ನಲ್ಲಿ ಇತ್ತೀಚಿನ ಸುದ್ದಿ/ವಿಶೇಷ ವರದಿಗಳನ್ನು ವೀಕ್ಷಿಸಬಹುದು...
11:05 PM

ಜೈ ಗೊಮ್ಮಟೇಶ

Posted by ekanasu

ವಿಶೇಷ ವರದಿ

`ಕರ್ನಾಟಕದಲ್ಲಿ ಅತ್ಯಂತ ಹೆಚ್ಚು ಗೊಮ್ಮಟ ಮೂರ್ತಿಗಳು ಪ್ರತಿಷ್ಠಾಪನೆಗೊಂಡಿದೆ. ಅತ್ಯಂತ ಎತ್ತರದ ಗೊಮ್ಮಟ ಮೂರ್ತಿ ಶ್ರವಣಬೆಳಗುಳದ್ದೆಂದು ಜಗತ್ ಪ್ರಸಿದ್ಧಿ ಪಡೆದಿದ್ದರೆ ಕಳೆದ ಕೆಲವರುಷಗಳ ಹಿಂದೆ ಶ್ರವಣ ಬೆಳಗುಳದ ಗೊಮ್ಮಟನಿಗಿಂತಲೂ ಎತ್ತರದ ವಿಶ್ವದಲ್ಲೇ ಅತಿ ದೊಡ್ಡ ವಿರಾಗಿಯನ್ನು ಹುಬ್ಬಳ್ಳಿ ಸಮೀಪದ ವರೂರಿನಲ್ಲಿ ಬಿಜೆಪಿ ಮುಖಂಡ ಲಾಲ್ ಕೃಷ್ಣ ಅಡ್ವಾಣಿ ಜೈನ ಮುನಿಗಳ ಸಮ್ಮುಖದಲ್ಲಿ ರಾಷ್ಟ್ರಕ್ಕೆ ಸಮರ್ಪಿಸಿದರು.ಕರ್ನಾಟಕ ಹಲವು ಐತಿಹ್ಯಗಳ, ನೆಲೆವೀಡು.ಶಿಲ್ಪಕಲಾಕೃತಿಗಳ ಅನರ್ಘ್ಯ ಸಂಗ್ರಹ ಕರ್ನಾಟಕದಲ್ಲಿದೆ.ಇಂತಹ ಶಿಲ್ಪ ವೈಭವಕ್ಕೆ ಈ ವಿರಾಟ್ ವಿರಾಗಿಯ ಮೂರ್ತಿಗಳು ಸಹ ಸೇರುತ್ತವೆ ಎಂಬುದರಲ್ಲಿ ಸಂದೇಹವಿಲ್ಲ. ಬಾಹುಬಲಿ ವಿಗ್ರಹಗಳ ಸಂಖ್ಯೆ ರಾಜ್ಯದಲ್ಲಿ ಹೆಚ್ಚುತ್ತಿದೆ'ಕರ್ನಾಟಕದ ಪ್ರಮುಖ ಜೈನ ಕ್ಷೇತ್ರವಾದ ವೇಣೂರಿನಲ್ಲಿ ಇದೇ ಜನವರಿ 28ರಿಂದ ವೇಣೂರ ಗೊಮ್ಮಟನಿಗೆ ಮಹಾ ಮಜ್ಜನ ನಡೆಯಲಿದೆ. ಈ ಶುಭಾವಸರದಲ್ಲಿ ಕರ್ನಾಟಕದ ಬಾಹುಬಲಿ ವಿಗ್ರಹಗಳ ಒಂದು ನೋಟ ಈ ಕನಸು ಓದುಗರಿಗಾಗಿ...


ಇವು ಕರ್ನಾಟಕದ ಬಾಹುಬಲಿಮೂರ್ತಿಗಳು


ಕರ್ನಾಟಕದ ಹತ್ತು ಹಲವು ವಿಚಾರಗಳಿಂದಾಗಿ ಇಡೀ ವಿಶ್ವದ ಗಮನ ಸೆಳೆಯುತ್ತಿದೆ. ಇಲ್ಲಿರುವಷ್ಟು ಶಿಲ್ಪಕಲಾಕೃತಿಗಳು, ಪ್ರಾಚ್ಯ ವಸ್ತುಗಳು, ಕೋಟೆ ಕೊತ್ತಲಗಳು, ಪುರಾತನ ಐತಿಹ್ಯಗಳು, ವಸ್ತು ವಿಶೇಷಗಳು, ಪ್ರಕೃತಿ ಐಸಿರಿ, ಐತಿಹ್ಯಗಳು ಇತರೆಡೆಗಳಲ್ಲಿಲ್ಲ. ಈ ಕಾರಣಕ್ಕಾಗಿಯೇ ಕರ್ನಾಟಕ ಅಷ್ಟೊಂದು ಪ್ರಾಮುಖ್ಯತೆಯನ್ನು ಪಡೆದಿದೆ.ಎಲ್ಲರ ದೃಷ್ಠಿಯೂ ಇತ್ತ ನೆಡುವಂತೆ ಮಾಡಿದೆ.

ದಕ್ಷಿಣ ಕನ್ನಡ ಜಿಲ್ಲೆ ಹಲವು ಪ್ರಮುಖಗಳಿಗೆ ಮತ್ತು ಪ್ರಥಮಗಳಿಗೆ ಸಾಕ್ಷಿಯಾಗಿದೆ. ಕನ್ನಡ ಪತ್ರಿಕೋದ್ಯಮ ಇತಿಹಾಸವೂ ಇಲ್ಲಿಂದಲೇ ಆರಂಭಗೊಂಡಿತು. ಇಂತಹ ಜಿಲ್ಲೆಯಲ್ಲಿ ಮೂರು ಏಕಶಿಲಾ ಗೋಮಟ ವಿಗ್ರಹಗಳೂ ಇವೆ. ಇದೂ ಒಂದು ವಿಶೇಷವೇ ಆಗಿದೆ. ಆ ಮೂರು ಕ್ಷೇತ್ರಗಳೂ ಅತ್ಯಂತ ಪ್ರಸಿದ್ಧಿಯ ಕ್ಷೇತ್ರವೆಂಬುದು ಮತ್ತೊಂದು ಹೆಮ್ಮೆ. ಬೆಳ್ತಂಗಡಿ ತಾಲೂಕಿನಲ್ಲಿ ಎರಡು ಬಾಹುಬಲಿ ಮೂರ್ತಿಗಳು ಪ್ರತಿಷ್ಟಾಪನೆಗೊಂಡಿದ್ದರೆ, ನೆರೆಯ ಕಾರ್ಕಳದಲ್ಲಿ ಇನ್ನೊಂದು ಮೂರ್ತಿಯಿದೆ. ಈ ಮೂರು ಮೂರ್ತಿಗಳ ಪೈಕಿ ಎರಡು ಬೆಟ್ಟದ ಮೇಲೆ ನೆಲೆನಿಂತರೆ ಒಂದು ಮೂರ್ತಿ ದಿಣ್ಣೆಯೊಂದರಲ್ಲಿ ಸ್ಥಾಪನೆಗೊಂಡಿದೆ.

ಶ್ರೀ ಕ್ಷೇತ್ರ ಧರ್ಮಸ್ಥಳದ ಬಾಹುಬಲಿ ಮೂರ್ತಿ ರತ್ನಗಿರಿ ಬೆಟ್ಟದಲ್ಲಿದೆ. ವೇಣೂರು ವಿರಾಟ್ ಮೂರ್ತಿ ದಿಣ್ಣೆಯ ಮೇಲೆ ಸ್ಥಾಪಿಸಲ್ಪಟ್ಟಿದೆ. ಕಾರ್ಕಳದ ಗೊಮ್ಮಟೇಶ ಎತ್ತರದ ಬೆಟ್ಟದ ಮೇಲೆ ನೆಲೆ ನಿಂತಿದೆ.

ಧರ್ಮಸ್ಥಳದ ಬಾಹುಬಲಿ(ದಕ್ಷಿಣ ಕನ್ನಡ ಜಿಲ್ಲೆ)
ಪುರಾಣ ಪ್ರವಾಂಗಳಿಗೆ ಸರಿಯಾಗಿ ಸುಂದರ 39ಅಡಿಯ ಬೃಹತ್ ಏಕಶಿಲಾ ಮೂರ್ತಿ ನೆಲೆಗೊಂಡಿದೆ. ಕ್ವಾರ್ಟ್ಜ್ ಖನಿಜಗಳ ಪಟ್ಟಿ ಮಿಶ್ರಗೊಂಡಿರುವ ಸೀಣಿ ಜಾತಿಯ ಗಡಸು ಕರ್ಗಲ್ಲಿನಲ್ಲಿ ಈ ಮೂರ್ತಿ ನಿರ್ಮಾಣಗೊಂಡಿದೆ. ರತ್ನಗಿರಿ ಬೆಟ್ಟದಲ್ಲಿ ಈ ಮೂರ್ತಿ ಪ್ರತಿಷ್ಠಾಪಿಸಲ್ಪಟ್ಟಿದೆ.
ರಾಜಲಕ್ಷಣಗಳಿಂದೊಡಗೂಡಿದ ಈ ಮೂರ್ತಿ ನಯನಮನೋಹರವಾಗಿದೆ. ಅರೆತೆರೆದ ಧ್ಯಾನ ಮುದ್ರೆಯ ಕಣ್ಣುಗಳು, ಗುಂಗುರು ಕೂದಲು, ದೀರ್ಘವಾದ ಕರ್ಣ, ವಿಶಾಲ ಬಾಹು, ತೋಳುಗಳಲ್ಲಿ ಮಾಧವೀಲತೆ, ಪ್ರಬಲ ಕಟಿ, ಈ ಶಿಲ್ಪದಲ್ಲಿ ಕಾಣಬಹುದಾಗಿದೆ.
ಕಾರ್ಕಳದ ಮಂಗಲಪಾದೆಯಲ್ಲಿ ವಾಯುವ್ಯ ಆಗ್ನೇಯ ದಿಕ್ಕಿಗೆ ಚಾಚಿಕೊಂಡಿದ್ದ ಬೃಹತ್ ಬಂಡೆಯನ್ನು ಧರ್ಮಸ್ಥಳದ ವಿರಾಟ್ ಬಾಹುಬಲಿ ಮೂರ್ತಿರಚನೆಗಾಗಿ ಆಯ್ಕೆಮಾಡಲಾಯಿತು.

ದೈವಾನುಗ್ರಹ, ಗುರುಹಿರಿಯರ ಆಶಯ, ಸಂಕಲ್ಪ ಶಕ್ತಿ, ದೃಢವಿಶ್ವಾಸಗಳೊಂದಿಗೆ ಶಿಲ್ಪಿ ರೆಂಜಾಳ ಗೋಪಾಲ ಶೆಣೈಯವರು ತಮ್ಮ ಪುತ್ರ ಮಂಜುನಾಥ ಶೆಣೈ, ಮೊಮ್ಮಗ ರಾಧಾ ಮಾಧವ ಶೆಣೈ ಸಹಿತ ತಮಿಳು ನಾಡಿನ 40 ಶಿಲ್ಪಿಗಳೊಂದಿಗೆ ಈ ಕಾರ್ಯವನ್ನು ಐದೂವರೆ ವರ್ಷಗಳಲ್ಲಿ ಪೂರ್ಣಗೊಳಿಸಿದರು1981ರಲ್ಲಿ ಏಲಾಚಾರ್ಯ ವಿದ್ಯಾನಂದಾಜೀ ಯವರ ಮಾರ್ಗದರ್ಶನದಲ್ಲಿ ಪ್ರತಿಷ್ಠೆ. ಶ್ರೀ ರತ್ನವರ್ಮ ಹಗ್ಗಡೆ ಮತ್ತು ಮಾತೃಶ್ರೀಯವರ ಸಂಕಲ್ಪ. ಡಾ.ಡಿ ವೀರೇಂದ್ರ ಹೆಗ್ಗಡೆಯವರು ಈ ಕಾರ್ಯ ನೆರವೇರಿಸಿದರು. ಪೀಠವೂ ಸೇರಿ 52ಅಡಿ ಎತ್ತರದ 210ಟನ್ ಭಾರದ ಶಿಲಾ ಮೂರ್ತಿ14 ಅಡಿ ಅಗಲ ಹೊಂದಿದೆ.

ವೇಣೂರು ಗೊಮ್ಮಟೇಶ (ದಕ್ಷಿಣ ಕನ್ನಡ ಜಿಲ್ಲೆ)
ಬೆಳ್ತಂಗಡಿ ತಾಲೂಕಿನ ವೇಣೂರು ಈ ಗೊಮ್ಮಟ ಮೂರ್ತಿಯಿಂದಾಗಿಯೇ ಗುರುತಿಸಿಕೊಂಡಿದೆ. ಪಕ್ಕದಲ್ಲೇ ಹರಿಯುವ ಫಲ್ಗುಣೀ ನದೀ ತೀರದಲ್ಲಿ ದಿಣ್ಣೆಯೊಂದರ ಮೇಲೆ ವಿರಾಜಮಾನವಾಗಿದೆ. 1604ರಲ್ಲಿ ತಿಮ್ಮರಾಜನಿಂದ ಪ್ರತಿಷ್ಠಾಪನೆ. 35ಅಡಿ ಎತ್ತರದ ಈ ಮೂರ್ತಿ ಅತ್ಯಂತ ರಮಣೀಯವಾಗಿದೆ. ಮಂದಸ್ಮಿತ ಮೂರ್ತಿ ಅಭಿಷೇಕದ ಸಂದರ್ಭದಲ್ಲಿ ನಯನಮನೋಹರವಾಗಿ ಕಂಡುಬರುತ್ತದೆ.
ವೇಣೂರು -ನಾರಾವಿಯ ಯುದ್ಧದ ಸಂದರ್ಭದಲ್ಲಿ ಬಾಹುಬಲಿ ಮೂರ್ತಿಯನ್ನು ಫಲ್ಗುಣೀ ನದೀ ತೀರದ ಮರಳಿನಲ್ಲಿ ಹೂತಿಡಲಾಗಿದ್ದು, ನಂತರ ವಿಗ್ರಹ ಪ್ರತಿಷ್ಠಾಪನೆ ನಡೆಸಲಾಯಿತು.



ಕಾರ್ಕಳ(ದಕ್ಷಿಣ ಕನ್ನಡ)
ದಕ್ಷಿಣ ಕನ್ನಡ ಜಿಲ್ಲೆಯ ಮತ್ತೊಂದು ಬಾಹುಬಲಿ ವಿಗ್ರಹವೇ ಕಾರ್ಕಳದಲ್ಲಿರುವುದಾಗಿದೆ. 41.5ಅಡಿಗಳ ಈ ಮೂರ್ತಿ ಕರ್ರಗಿನ ಶಿಲೆಯಿಂದ ರಚಿಸಲ್ಪಟ್ಟಿದೆ. ಎತ್ತರದಲ್ಲಿ ಪ್ರತಿಷ್ಟಾಪಿಸಲ್ಪಟ್ಟ ಈ ಮೂರ್ತಿ ಕ್ರಿ.ಶ.1432ರಲ್ಲಿ ಪಾಂಡ್ಯರಾಜನಿಂದ ಪ್ರತಿಷ್ಠಾಪಿಸಲ್ಪಟ್ಟಿತು. ಶಂಭುಕಲ್ಕುಡ ಈ ಬಾಹುಬಲಿ ಮೂರ್ತಿಯನ್ನು ರಚಿಸಿದ ಶಿಲ್ಪಿ. ಕಾರ್ಕಳದ ಹೆದ್ದಾರಿಯಲ್ಲಿ ಸಾಗುವ ಸಂದರ್ಭದಲ್ಲಿ ಎತ್ತರದ ಬಾಹುಬಲಿಮೂರ್ತಿ ಕಾಣಸಿಗುತ್ತದೆ.
20ಚಕ್ರದ ವಿಶೇಷ ಗಾಡಿಯ ಮೇಲೆ 10ಸಾವಿರ ಜನರ ಸಹಾಯದಿಂದ ಮೂರ್ತಿಯನ್ನು ಇರಿಸಲಾಯಿತು. ಹಿಂದಿನಿಂದ ಮದ್ದಾನೆಗಳು ಗಾಡಿಯನ್ನು ದೂಡಿದರೆ ಮುಂದಿನಿಂದ, ಗಾಡಿಯ ಪಕ್ಕದಿಂದ ಅಸಂಖ್ಯಾತ ಭಕ್ತರು ಬೆಟ್ಟದ ಮೇಲಕ್ಕೆ ಎಳೆದರು. ಈ ರೀತಿ ಮೂತರ್ಿಮೂರ್ತಿಯ ಪ್ರತಿಷ್ಠಾಪನೆಯಾಯಿತು.ಒಂದೊಂದ್ದು ಚಕ್ರಕ್ಕೂ ದೊರೆ ತಲಾ ಹತ್ತು ಸಾವಿರ ಹಿಡಿಕಾಯಿ ಹಾಕಿಸಿದ್ದ. ವಿಗ್ರಹವನ್ನು ಎತ್ತಿನಿಲ್ಲಿಸಲು ಒಂದುಸಾವಿರ ರಾಟೆಗಳನ್ನಳವಡಿಸಿ 25ಸಾವಿರ ಜನರು ಮೇಲೆಳೆದರಂತೆ...!


ಶ್ರವಣ ಬೆಳಗುಳ(ಹಾಸನ)
`ಬೆಳಗುಳದ ಜನರೀಗೆ ಮಳೆ ಬಂದರಭಿಷೇಕ...' ಎಂಬ ಜಾನಪದ ಹಾಡು ಶ್ರವಣ ಬೆಳಗುಳದಲ್ಲಿ ಅತ್ಯಂತ ಜನಪ್ರಿಯ. ಇದು ಈ ಗೊಮಟೇಶನ ಬಗ್ಗೆಯೇ ರಚಿಸಲ್ಪಟ್ಟ ಹಾಡಾಗಿದೆ. ಕರ್ನಾಟಕದ ಗೊಮಟೇಶವಿಗ್ರಹಗಳ ಪೈಕಿ ಅತ್ಯಂತ ಎತ್ತರದ, ಪ್ರಸಿದ್ಧಿಯ ಕ್ಷೇತ್ರ ಇದಾಗಿದೆ. 57ಅಡಿ ಎತ್ತರದ ಬಿಳಿಕಲ್ಲಿನಲ್ಲಿ ಈ ಮೂರ್ತಿ ರಚಿಸಲ್ಪಟ್ಟಿದೆ. ಕ್ರಿ.ಶ 981ರಲ್ಲಿ ಚಾವುಂಡರಾಯನಿಂದ ನಿರ್ಮಾಣಗೊಂಡು ಸ್ಥಾಪಿಸಲ್ಪಟ್ಟಿತು.

ಶ್ರೀ ಗೋಮಟಗಿರಿ(ಮೈಸೂರು)
ಈ ಮೂರ್ತಿ ಮೈಸೂರಿನಲ್ಲಿದೆ. ಕಣಶಿಲೆಯಿಂದ ರಚಿಸಲ್ಪಟ್ಟಿದೆ. ಇದೊಂದು ವಿಶಿಷ್ಟ ವಿಗ್ರಹ. 20ಅಡಿಯ ಈ ವಿಗ್ರಹ ಸುಂದರವಾಗಿದೆ. ದ್ವಾರ ಸಮುದ್ರದ ಬಲ್ಲಾಳರಾಯನ ವಂಶದವರಿಂದ 800ವರ್ಷಗಳ ಹಿಂದೆ ಪ್ರತಿಷ್ಠಾಪಿಸಲ್ಪಟ್ಟಿತ್ತು. 1950ರಲ್ಲಿ ವಿಗ್ರಹ ಪತ್ತೆಯಾಯಿತು. ಅದುವರೆಗೂ ಗಿಡಗಂಟಿಗಳ ನಡುವೆ ಇದು ಮುಚ್ಚಿಹೋಗಿತ್ತು.

ಕನ್ನಂಬಾಡಿ ಕಟ್ಟೆ(ಮಂಡ್ಯ)
ಇದು ಮಂಡ್ಯ ಜಿಲ್ಲೆಯಲ್ಲಿರುವ ಬಾಹುಬಲಿ ವಿಗ್ರಹ. 18ಅಡಿ ಎತ್ತರವನ್ನಷ್ಟೇ ಇದು ಹೊಂದಿದೆ. ಇದರ ಕಾಲ, ಕತೃ ತಿಳಿದಿಲ್ಲ. ಬಳಪದ ಕಲ್ಲಿನಲ್ಲಿ ಈ ಮೂರ್ತಿ ರಚಿಸಲ್ಪಟ್ಟಿದೆ.ಈ ವಿಗ್ರಹ ಕೃಷ್ಣರಾಜ ಸಾಗರ ಅಣೆಕಟ್ಟು ನಿರ್ಮಾಣದ ನಂತರ ಮುಳುಗಡೆ ಪ್ರದೇಶದಲ್ಲಿದೆ.

ಶೇಡಬಾಳ(ಬೆಳಗಾವಿ)
ಇದು ಬೆಳಗಾವಿಯ ಗೊಮ್ಮಟೇಶ. ಸಂಗಮವರೀ ಕಲ್ಲಿನಿಂದ ಈ ಬಾಹುಬಲಿ ಮೂರ್ತಿ ನಿರ್ಮಾಣಗೊಂಡಿದೆ. 12ಅಡಿ ಎತ್ತರವನ್ನು ಈ ಮೂರ್ತಿ ಹೊಂದಿದೆ.1954ರಲ್ಲಿ ಜೈನ ಶ್ರಾವಕರಿಂದ ಇದು ರಚಿಸಲ್ಪಟ್ಟಿದೆ.

ಕೊಲ್ಹಾಪುರ(ಮಹಾರಾಷ್ಟ್ರದ ಗಡಿ)
ಇದು ಕೊಲ್ಹಾಪುರ ಮಹಾರಾಷ್ಟ್ರದ ಗಡಿ ಪ್ರದೇಶದಲ್ಲಿದೆ. ಕರ್ನಾಟಕದ ಸೀಮೆಯಲ್ಲಿಯೇ ಈ ಬಾಹುಬಲಿ ವಿಗ್ರಹವಿದೆ. 28ಅಡಿ ಎತ್ತರವನ್ನು ಇದು ಹೊಂದಿದೆ. ಚಂದ್ರಕಾಂತ ಶಿಲೆಯಿಂದ ನಿರ್ಮಾಣಗೊಂಡಿದೆ. 1963ರಲ್ಲಿ ಪ್ರತಿಷ್ಠೆ. ಶಾಂತಿಸಾಗರ ಮಹಾರಾಜರ ಸಂಕಲ್ಪದಂತೆ ಇದು ನಿರ್ಮಾಣಗೊಂಡಿದೆ. ಆಚಾರ್ಯ ಸಮಂತಭದ್ರ ಸ್ವಾಮೀಜಿ ಮಾರ್ಗದರ್ಶನದಲ್ಲಿ ಪ್ರತಿಷ್ಠಾಪನೆಗೊಂಡಿದೆ.


ಹರೀಶ್ ಕೆ. ಆದೂರು

2 comments:

Anonymous said...

*olleya maahiti poorna mattu samskshiptavaada lekhana. readable..

* nanage tilida mattige innu 2-3 kade gommata vigraha ide annisutte.

* neravaagi helabahudaadre maahitigalu poornavaagilla sir..
gap fillars annistu.

* idu ondu ordernalli bandidre chennagittu,..
for ex. Chronological ordernalli.,

* pratiyonadakku(every gommatakku) adara MAHATVA anta ide adannu samarpakavaagi tilisilla annisutte.
or

*pratiyondu moorthigu pratyeka lekhana maadabahudittu. aga adaralli hechhu maahiti adakavaagutittu..

* haage aksharadoshada bagge innomme recheck madlebeku sir illandre "KARKALA: mutarmoorthi aguttade.(aagide)".

* anda haage VENUR v/s NAARAVI ge yuddhavaagide annodu nanage gottilla.
i mean adu tappu.
KARKALADA BYRARASArige Mattu VENURINA AJILARIGE yuddhavaagide athava adanne heege helabahudu: KARKALA SEEME v/s AJILA SEEME.

Sorry to say this:--
ee reetiya halavu tappu-lopa doshagala- gondala- apoornategala naduveyuu lekhana chokkadagide adru.. samarpakavaadaddalla...

dhanyavaad.

regards,
Shreyanka S Ranade.

ekanasu said...

ಶ್ರೇಯಾಂಕ ನಿಮ್ಮ ಪ್ರತಿಕ್ರಿಯೆಗೆ ಮುಕ್ತ ಸ್ವಾಗತ. ಲೇಖನದಲ್ಲಿ ಪೂರ್ತಿ ವಿವರ ಕೊಟ್ಟಿಲ್ಲ.ಉದ್ದೇಶಪೂರ್ವಕವಾಗಿಯೇ. ಕೇವಲ ಎಲ್ಲಿ ಎಂಬ ಸಂಕ್ಷಿಪ್ತ ಮಾಹಿತಿ ಮಾತ್ರ ನೀಡುವುದು ಈ ಲೇಖನದ ಮುಖ್ಯ ಉದ್ದೇಶವಾಗಿದೆ.

ವಂದನೆಗಳು
ಹರೀಶ್

Post a Comment