ಈ ಕನಸು

ಯುವಾ

ನಿನ್ನ ನೋಟದಲಿ ನನ್ನ ಕನಸುಗಳು
ಸೇರಿವೆ
ನನ್ನ ನನಸೆಂಬ ನಂಟಿಗೆ
ನಿನ್ನ ಭಾವನೆ ಬದುಕಾಗಿದೆ
ಹೂವಿನಂತ ಮನಕೆ



ನಿನ್ನ ಪ್ರೀತಿಯು ದುಂಬಿಯಾಗಿ
ಝೇಂಕರಿಸಿದೆ
ಸವಿನುಡಿಯ ಮಾತಿಗೆ
ಚಿತ್ರಗಳು ಮೂಡಿ

ನಿನೇ ನನ್ನ ಬದುಕಿನ ಬಣ್ಣವಾಗಿ
ಗೋಚರಿಸುತಿದೆ
ಸೋಲಿಲ್ಲದ ಈ ಜೀವವು
ನಿನ್ನ ಹೃದಯಕೆ ಸೋತು ಪ್ರೀತಿಯಲ್ಲಿ
ತೇಲುತ್ತಿವೆ

ಮೋಡದಲ್ಲಿ ನಿನ್ನ ಹೆಸರು ಬರೆದು
ಮಳೆಯು ಬರುವಂತೆ
ಮಾಡಿದೆ ನಾ

ಆ ಜಿಟಿ ಜಿಟಿ ಮಳೆಯಲಿ
ಒಂದೇ ಚತ್ರಿಯಲ್ಲಿ ಇಬ್ಬರೂ
ಸೇರಿ ಹೋಗುವ ಕನಸೀಗ ನನಸಾಗಿದೆ

ಬರಹ: ಪದ್ಮಾ ಭಟ್
ಎಸ್.ಡಿ.ಎಂ ಕಾಲೆಜ್, ಉಜಿರೆ.